തിരുവനന്തപുരം: പിണറായിയുടെ ഭരണത്തില്‍ കൊല്ലപ്പെടുന്നവരുടെ കുടുംബത്തിന് പണവും ഘാതകന് പ്രൊമോഷനും ലഭിക്കുന്ന സ്ഥിതിവിശേഷമാണെന്ന് ആര്‍.എസ്.പി മുന്‍ ദേശീയ ജനറല്‍ സെക്രട്ടറി ടി.ജെ ചന്ദ്രചൂഡന്‍. കേന്ദ്ര-സംസ്ഥാന സര്‍ക്കാരുകളുടെ ജനദ്രോഹ നടപടികള്‍ക്കെതിരേ ആര്‍.എസ്.പി സെക്രട്ടേറിയറ്റിന് മുന്നില്‍ നടത്തിയ പ്രതിഷേധ ജ്വാല ഉദ്ഘാടനം ചെയ്യുകയായിരുന്നു അദ്ദേഹം.
ന്യൂനപക്ഷങ്ങളെ ഇല്ലായ്മ ചെയ്ത് ഏകാധിപത്യത്തിലേക്ക് രാജ്യത്തെ കൊണ്ടുപോകാനാണ് മോദി സര്‍ക്കാര്‍ ശ്രമിക്കുന്നത്. അഴിമതിക്കാരെ ശിക്ഷിക്കുന്നത് നല്ല കാര്യമാണെങ്കിലും അതിന് ഇറങ്ങിപ്പുറപ്പെടുന്നവരുടെ കൈകളും ശുദ്ധമായിരിക്കണം. ബി.ജെ.പി സര്‍ക്കാരിനെ പ്രതിരോധിക്കാന്‍ കോണ്‍ഗ്രസ് ഉള്‍പ്പെടെയുള്ള പാര്‍ട്ടികള്‍ക്ക് കഴിയുന്നില്ലെന്നും അദ്ദേഹം പറഞ്ഞു.