കാഞ്ഞങ്ങാട്: എല്‍.ഇ.ഡി ബള്‍ബു നിര്‍മാണവും സാധ്യതകളും എന്ന വിഷയത്തില്‍ ഖാദി സ്മാള്‍ എന്റര്‍പ്രണേഴ്‌സ് കൗണ്‍സില്‍ സംരഭക സെമിനാര്‍ സംഘടിപ്പിക്കുന്നു. വ്യവസായ സംരഭകര്‍, വനിതാ സംരഭകര്‍, സ്വയം സഹായ സംഘങ്ങള്‍, സന്നദ്ധ സംഘടനകള്‍, കുംടുംബശ്രീ അയല്‍ക്കൂട്ടങ്ങള്‍, വിദ്യാഭ്യാസ സ്ഥാപനങ്ങള്‍ എന്നിവയ്ക്കു സെമിനാറില്‍ പങ്കെടുക്കാം.
 എല്‍.ഇ.ഡി ബള്‍ബുകളുടെ നിര്‍മാണം, വിപണന സാധ്യത, വായ്പാ പദ്ധതികള്‍, സര്‍ക്കാര്‍ പദ്ധതികള്‍ എന്നിവയെക്കുറിച്ച് സെമിനാറില്‍ ക്ലാസ് ഉണ്ടാകും.
 ആറിനു രാവിലെ ഒന്‍പതിനു കാഞ്ഞങ്ങാട് പുതിയകോട്ട ഹോസ്ദുര്‍ഗ് സര്‍വീസ് കോ. ഓപ്പറേറ്റീവ് ബാങ്ക് ഹാളിലാണ് സെമിനാര്‍. വിശദവിവരങ്ങള്‍ക്ക്- 9142722266.
വാര്‍ത്താ സമ്മേളനത്തില്‍ ഖാദി ആന്റ് സ്മാള്‍ എന്റര്‍പ്രണേഴ്‌സ് കൗണ്‍സില്‍ സംസ്ഥാന ഓര്‍ഗനൈസിങ് സെക്രട്ടറി അസീസ് കേവലം, കാസര്‍കോട് ജില്ലാ പ്രസിഡന്റ് അഡ്വ. ബാബുരാജ്, സംസ്ഥാന കമ്മറ്റിയംഗം പത്മരാജ് ഐങ്ങോത്ത് എന്നിവര്‍ സംബന്ധിച്ചു.