കോഴിക്കോട്: കേരള പ്രൈമറി കോ-ഓപറേറ്റീവ് സര്‍വിസ് പെന്‍ഷനേഴ്‌സ് അസോസിയേഷന്‍ രണ്ടാം സംസ്ഥാന സമ്മേളനം ഇന്നും നാളെയുമായി കോഴിക്കോട്ട് നടക്കുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. ഇന്‍ഡോര്‍ സ്റ്റേഡിയത്തിലെ സി.കെ കുഞ്ഞിരാമന്‍ നഗറില്‍ നടക്കുന്ന സമ്മേളനം ഇന്നു വൈകിട്ട് 3.30ന് ആരംഭിക്കും. ശനി രാവിലെ പത്തിന് മുല്ലപ്പള്ളി രാമചന്ദ്രന്‍ എം.പി ഉദ്ഘാടനം ചെയ്യും. കെ. മുരളീധരന്‍ എം.എല്‍.എ മുഖ്യപ്രഭാഷണം നടത്തും.
എം.എല്‍.എമാരായ എ. പ്രദീപ് കുമാര്‍, ഇ.കെ വിജയന്‍, മുന്‍ മന്ത്രി അഡ്വ. പി. ശങ്കരന്‍ പങ്കെടുക്കും. പ്രതിനിധി സമ്മേളനം എം.കെ രാഘവന്‍ എം.പി ഉദ്ഘാടനം ചെയ്യും. സാംസ്‌കാരിക സമ്മേളനം ഡോ. എം.കെ മുനീര്‍ എം.എല്‍.എ ഉദ്ഘാടനം ചെയ്യും. വൈകീട്ട് 3.30ന് നടക്കുന്ന സമാപന സമ്മേളനം പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്യും. വാര്‍ത്താസമ്മേളനത്തില്‍ ബി. കെ തിരുവോത്ത്, എന്‍. സ്വാമിനാഥന്‍, ടി കെ ബാലന്‍, വി. സുന്ദരന്‍, അശോകന്‍ പങ്കെടുത്തു.