സുല്‍ത്താന്‍ ബത്തേരി: പാരലല്‍ കോളജ് വിദ്യാര്‍ഥികള്‍ക്ക് കെ.എസ്.ആര്‍.ടി.സി ബസുകളിലെ കണ്‍സഷന്‍ നിര്‍ത്തലാക്കിയതില്‍ പ്രതിഷേധിച്ച് കെ.എസ്.യു വയനാട് ജില്ലാ കമ്മിറ്റിയുടെ നേതൃത്വത്തില്‍ കെ.എസ്.ആര്‍.ടി.സി ജില്ലാ ഡിപ്പോയിലേക്ക് മാര്‍ച്ചും ധര്‍ണയും സംഘടിപ്പിച്ചു.
ജില്ലാ പ്രസിഡന്റ് അമല്‍ ജോയ് ഉദ്ഘാടനം ചെയ്തു. ജില്ലാ ജനറല്‍ സെക്രട്ടറി അമല്‍ പങ്കജാക്ഷന്‍ അധ്യക്ഷനായി. എം.ജെ അജിത്, സുശോബ് ചെറുകുമ്പം, സി.എം ഷൈജിത്, ബിനു മാത്യു, റാഹില്‍, ബേസില്‍, അര്‍ജുന്‍ പോള്‍ നേതൃത്വം നല്‍കി.