മുട്ടില്‍: പത്താം ക്ലാസ് പരീക്ഷയില്‍ (സി.ബി.എസ്.ഇ, ഐ.സി.എസ്.ഇ, എസ്.എസ്.എല്‍.സി) മുഴുവന്‍ വിഷയങ്ങള്‍ക്കും നൂറു ശതമാനം മാര്‍ക്ക് നേടിയവര്‍ക്ക് ഡബ്ല്യു.എം.ഒ ഷരീഫ ഫാത്തിമ എന്‍ഡോവ്‌മെന്റ് സ്‌കോളര്‍ഷിപ്പ് നല്‍കുന്നു. പ്ലസ്ടു കോഴ്‌സിനോടൊപ്പം കേരളത്തിലെ എന്‍ട്രന്‍സ് പരിശീലന രംഗത്തെ പ്രമുഖരായ എഫ്.ടി.എസ്.ഇ തൃശൂരുമായി സഹകരിച്ച് എന്‍ട്രന്‍സ് പരിശീലനവും വിദ്യാര്‍ഥികള്‍ക്ക് സ്‌കോളര്‍ഷിപ്പിലൂടെ അവസരം ലഭിക്കും. യോഗ്യരായ വിദ്യാര്‍ഥികള്‍ ഈമാസം 12ന് മുട്ടില്‍ ഡബ്ല്യു.എം.ഒ ഇഖ്‌റ എച്ച്.ആര്‍.ഡി സെന്ററില്‍ നടക്കുന്ന യോഗ്യതാ പരീക്ഷക്ക് ഹാജരാകണം. രാവിലെ 11 മുതല്‍ 12 വരെയാണ് പരീക്ഷ. പേര് രജിസ്റ്റര്‍ ചെയ്യേണ്ട അവസാന തിയതി ഈമാസം 11ന് വൈകുന്നേരം 3 വരെ. വിശദാംശങ്ങള്‍ക്ക് ഡബ്ല്യു.എം.ഒ ഓഫിസുമായി ബന്ധപ്പെടുക: 202294, 9895204364