ശബരിമലയിലെ സ്ത്രീ പ്രവേശനവുമായി ബന്ധപ്പെട്ട് നടന്ന പ്രതിഷേധങ്ങളിലും ഹര്‍ത്താലിലും കെ.എസ്.ആര്‍.ടി.സിക്ക് നഷ്ടം ഒന്നേകാല്‍ കോടി. ഇതില്‍ 53 ലക്ഷം രൂപയിലധികം നഷ്ടം പമ്പയില്‍ മാത്രമാണ്.

നഷ്ടം വന്ന തുക സമരവുമായി ബന്ധപ്പെട്ട് അറസറ്റിലായവരില്‍ നിന്ന് ഈടക്കണമെന്ന് ടോമിന്‍ ജെ തച്ചങ്കരി ഡി.ജി.പിക്ക് കത്ത് നല്‍കിയിരുന്നു.
പമ്പയിലേയ്ക്ക് പോകുകയായിരുന്ന 13 കെ.എസ്.ആര്‍.ടി.സി ബസ്സുകളാണ് അക്രമികള്‍ കല്ലെറിഞ്ഞു തകര്‍ത്തത്.
ശബരിമലയില്‍ എല്ലാ പ്രായത്തിലുമുള്ള യുവതീ പ്രവേശത്തിനെതിരെ നിലയ്ക്കലിലും പമ്പയിലും സമരം നടത്തിയിരുന്നവര്‍ അഴിച്ചുവിട്ടത് വന്‍ ആക്രമണമായിരുന്നു.ഹര്‍ത്താല്‍ ദിനത്തില്‍ സംസ്ഥാനത്തിന്റെ വിവിധ ഭാഗങ്ങളില്‍ നിരവധി കെ.എസ്.ആര്‍.ടി.സി ബസുകളാണ് അക്രമിക്കപ്പെട്ടത്.