കാസര്‍കോട്: എക്‌സൈസ് സംഘം നടത്തിയ പരിശോധനയില്‍ കുറ്റിക്കാട്ടില്‍ ഒളിപ്പിച്ച 60 ലിറ്റര്‍ വിദേശമദ്യം പിടികൂടി. കാസര്‍കോട് നെല്ലിക്കുന്ന് ഭാഗത്തേക്ക് പോകുന്ന റോഡരികിലെ കുറ്റിക്കാട്ടില്‍ ഒളിപ്പിച്ച നിലയിലായിരുന്നു വിദേശമദ്യം ഉണ്ടായിരുന്നത്. 180 മില്ലിയുടെ 336 കുപ്പി കര്‍ണാടക നിര്‍മിത വിദേശ മദ്യമാണ് പിടിച്ചത്. അസിസ്റ്റന്റ് എക്‌സൈസ് ഇന്‍സ്‌പെക്ടര്‍ എം. സുകുമാരന്‍, സിവില്‍ എക്‌സൈസ് ഓഫീസര്‍മാരായ എം.വി ജിജിന്‍, രമേശന്‍, മഞ്ജു നാഥന്‍, അഭിലാഷ് എന്നിവരുടെ നേതൃത്വത്തിലായിരുന്നു പരിശോധന.