മമ്പറം: കീഴത്തൂര്‍ വെസ്റ്റ് എല്‍.പി സ്‌കൂളില്‍ സ്‌നേഹപൂര്‍വം സുപ്രഭാതം പദ്ധതിക്കു തുടക്കമായി. എസ്.കെ.എസ്.എസ്.എഫ് കീഴത്തൂര്‍ ശാഖ സ്‌പോണ്‍സര്‍ ചെയ്ത പദ്ധതി ലീഡര്‍ ശ്രീനന്ദ് ബാബുവിനു പത്രംനല്‍കി പി അര്‍ഷാദ് ഉദ്ഘാടനം ചെയ്തു.
സുപ്രഭാതം സര്‍ക്കുലേഷന്‍ മാനേജര്‍ സലാം പൊയനാട് പദ്ധതി വിശദീകരിച്ചു. പ്രധാനധ്യാപകന്‍ ടി മഹേന്ദ്രന്‍, പി മുനവിര്‍, ഫനീദ്, അധ്യാപകരായ റോഷിന്‍, ടി ആനന്ദവല്ലി, ടി മഹിജ, സ്റ്റാഫ് സെക്രട്ടറി എം ലത്തീഫ്, ടി ലജിത പങ്കെടുത്തു.