കൂറ്റനാട്: പെട്രോള്‍ പമ്പ് മാനേജറെ ആക്രമിച്ച് പണം തട്ടിയകേസില്‍ ഇതുവരെ തുമ്പായില്ല. ബുധനാഴ്ച സബ്‌സ്റ്റേഷന് മുന്നില്‍ ഉണ്ടായ ബൈക്ക് അപകടത്തില്‍ പരുക്കേറ്റ മാനേജര്‍ സുബ്രമണ്യനെയാണ് മൂന്നംഗസംഘം ബൈക്കില്‍ പിന്‍തുടര്‍ന്ന് ആക്രമിച്ച് രണ്ടരലക്ഷം കവര്‍ന്നത്.
2016 ഡിസംബര്‍ 10നായിരുന്നുസംഭവം. പമ്പ് അടച്ച് ബൈക്കില്‍ വീട്ടിലേക്ക് പോകുകയായിരുന്ന ഇദ്ദേഹത്തെ മറ്റൊരു ബൈക്കില്‍ പിന്തുടര്‍ന്നസംഘം പിലാക്കാട്ടിരി റോഡില്‍ വച്ച് ഇദ്ദേഹത്തിന്റെ ബൈക്ക് തട്ടിവീഴ്ത്തിയായിരുന്നുപണവുമായി മുങ്ങിയത്. എന്നാല്‍ സംഭവവുമായി ബന്ധപ്പെട്ട് ചാലിശ്ശേരി പൊലിസ് കേസെടുത്തതെങ്കിലും ഇതുവരെ തുമ്പായിട്ടില്ല. പട്ടാമ്പി സി.ഐ പി.എസ്. സുരേഷിന്റെ നേതൃത്വത്തില്‍ പ്രത്യേക അന്യേഷണസംഘം രൂപവല്‍കരിച്ചങ്കിലും പ്രയോജനം ഉണ്ടായിട്ടില്ല. അതേസമയം, പ്രതികള്‍ സുബ്രമണ്യനെഅറിയാവുന്നവരാണന്നും പ്രദേശവാസികള്‍ തന്നെയാണന്നും ഇവര്‍ വാടക്കെടുത്തബൈക്കായിരുന്നു കൃത്യത്തിന് ഉപയോഗിച്ചതെന്നും അറിവായിട്ടുണ്ട്.
പ്രതികളെകുറിച്ച് പൊലിസിന് സൂചന ലഭിച്ചിട്ടുണ്ടങ്കിലും ഇതു വരെ നടപടിക്രമങ്ങള്‍ കൈകൊണ്ടിട്ടില്ല. ബൈക്ക് അപടത്തെകുറിച്ചും ഇപ്പോള്‍ ദുരൂഹതയുള്ളതായി നാട്ടുകാര്‍ പറയുന്നു.