മുഴപ്പിലങ്ങാട്: കരാര്‍വത്കരണത്തിനെതിരേ ഫുഡ് കോര്‍പറേഷന്‍ ഓഫ് ഇന്ത്യ തൊഴിലാളികള്‍ നടത്തിവരുന്ന അനിശ്ചിതകാല സമരം 15 ദിവസം പിന്നിട്ടു.
റിലയന്‍സിന് ഇന്ത്യയിലെ എഫ്.സി.ഐ ഗോഡൗണുകള്‍ നല്‍കുന്നതിന്റെ ഭാഗമായി 399 രൂപ ദിവസ വേതനാടിസ്ഥാനത്തില്‍ ജോലി ചെയ്യുന്ന തൊഴിലാളികളെ ഇതരസംസ്ഥാനങ്ങളിലേക്ക് മാറ്റുന്നതിനെതിരേയാണ് സംയുക്ത തൊഴിലാളി യൂനിയന്‍ സമരമാരംഭിച്ചത്.
 ഗോഡൗണിനു മുന്‍പില്‍ ഇന്നലെ നടന്ന സമരം ഐ.എന്‍.ടി.യു.സി സംസ്ഥാന വൈസ് പ്രസിഡന്റ് കെ.വി രാഘവന്‍ ഉദ്ഘാടനം ചെയ്തു.
എം.ജെ രഘു അധ്യക്ഷ നായി. എടക്കാട് പ്രേമരാജന്‍, എ.പി നൗഷാര്‍, വി.പി രാജീവന്‍, എ രത്‌നബാബു സംസാരിച്ചു.