തിരുവനന്തപുരം: കേരള പൗള്‍ട്രി വികസന കോര്‍പറേഷനില്‍ ശമ്പളപരിഷ്‌കരണം നടപ്പിലാക്കാന്‍ മന്ത്രിസഭാ യോഗം തീരുമാനിച്ചു. ഫിഷറീസ് വകുപ്പിനു കീഴിലുള്ള അഡാക്ക് ജീവനക്കാര്‍ക്കും ശമ്പളപരിഷ്‌കരണം നടപ്പിലാക്കും. തൊഴില്‍ അഡീഷനല്‍ ചീഫ് സെക്രട്ടറി ടോം ജോസിന് എക്‌സൈസ് വകുപ്പിന്റെ അധിക ചുമതല നല്‍കാനും ഇപ്പോള്‍ ഫിഷറീസ് വകുപ്പിന്റെ ചുമതലയുള്ള ജെയിംസ് വര്‍ഗീസിനെ വനംവന്യജീവി വകുപ്പിന്റെ അഡീഷനല്‍ ചീഫ് സെക്രട്ടറിയായി നിയമിക്കാനും സെക്രട്ടേറിയറ്റില്‍ പ്രൊജക്ട് മാനേജ്‌മെന്റ് യൂനിറ്റ് ഡയറക്ടറായ സുഹാസിനെ വയനാട് കലക്ടറായി നിയമിക്കാനും തീരുമാനിച്ചു.