വാണിയംകുളം(പാലക്കാട്) : ദേശീയ നേതാക്കളും രാജ്യസ്‌നേഹികളും കാലമിത്രയും കാത്തുസൂക്ഷിച്ച ലോകത്തെ ഏറ്റവും മാതൃകായോഗ്യമായ ഇന്ത്യന്‍ ഭരണഘടനാ തത്വങ്ങളെ പാര്‍ലമെന്റിലെ ഭൂരിപക്ഷത്തിന്റെ ബലത്തില്‍ തകര്‍ക്കാന്‍ കേന്ദ്രം ശ്രമിക്കുകയാണെന്ന് എസ്.വൈ.എസ് സംസ്ഥാന കൗണ്‍സില്‍ മീറ്റ് കുറ്റപ്പെടുത്തി. പുതിയ നിയമങ്ങളും ഭരണഘടനാഭേദഗതികളും രാജ്യത്തെ ന്യൂനപക്ഷങ്ങളെയും പിന്നോക്കവിഭാഗങ്ങളെയും ദ്രോഹിക്കുന്നതാണ്. ഇതിന്റെ തെളിവാണ് മുസ്‌ലിം സമുദായത്തെ ഉന്നംവയ്ക്കുന്ന മുത്വലാഖ് പോലുള്ള നിയമങ്ങള്‍ കൊണ്ടുവന്നതെന്നും കൗണ്‍സില്‍ യോഗം വിലയിരുത്തി. ഇന്ത്യയുടെ ബഹുസ്വരതയും ഐക്യവും സമാധാനാന്തരീക്ഷവും ഇല്ലാതാക്കാന്‍ ഫാസിസ്റ്റുകളുടെ പിന്തുണയോടെ ഭരണാധികാരികള്‍ ശ്രമിക്കുകയാണ്. ഈ വിഷയത്തില്‍ നിസംഗത കൈവെടിഞ്ഞ് രാജ്യസ്‌നേഹികളായ മുഴുവന്‍ കക്ഷികളും മുന്നോട്ടു വരണമെന്നും കൗണ്‍സില്‍ ആവശ്യപ്പെട്ടു.
വാണിയംകുളം മാനു മുസ്‌ലിയാര്‍ ഇസ്‌ലാമിക് കോംപ്ലക്‌സില്‍ നടന്ന കൗണ്‍സില്‍ സമസ്ത കേരള ജംഇയ്യത്തുല്‍ ഉലമ ട്രഷറര്‍ സി.കെ.എം സാദിഖ് മുസ്‌ലിയാര്‍ ഉദ്ഘാടനം ചെയ്തു. എസ്.വൈ.എസ് സംസ്ഥാന ജനറല്‍സെക്രട്ടറി സയ്യിദ് മുഹമ്മദ്‌കോയ തങ്ങള്‍ ജമലുല്ലൈലി അധ്യക്ഷനായി. പി.കെ ഇമ്പിച്ചിക്കോയ തങ്ങള്‍ പഴയലക്കിടി പ്രാര്‍ഥനക്ക് നേതൃത്വം നല്‍കി. ഉണ്ണീന്‍കുട്ടി ഫൈസി പതാക ഉയര്‍ത്തി. കെ.മോയിന്‍കുട്ടി മാസ്റ്റര്‍ സ്വാഗതം പറഞ്ഞു. വിവിധ വിഷയങ്ങളില്‍ അബ്ദുല്‍ഹമീദ് ഫൈസി അമ്പലക്കടവ്,നാസര്‍ ഫൈസി കൂടത്തായി, ഹംസ റഹ്മാനി കൊണ്ടിപറമ്പ്, എ.എം പരീത് എറണാകുളം, സലീം എടക്കര ക്ലാസെടുത്തു.
സമാപന സെമിനാറില്‍ ഇ.മൊയ്തീന്‍ ഫൈസി പുത്തനഴി അധ്യക്ഷനായി. കെ.എ റഹ്മാന്‍ ഫൈസി ആമുഖ പ്രഭാഷണം നടത്തി. സൈതലവി ദാരിമി കെ.ടി. കാളാവ് സൈതലവി മുസ്‌ലിയാര്‍, കെ.കെ.എസ് തങ്ങള്‍ വെട്ടിച്ചിറ, അബൂബക്കര്‍ ബാഖവി മലയമ്മ, ശറഫുദ്ദീന്‍ വെണ്‍മേനാട്, നിസാര്‍ പറമ്പന്‍, കെ.മമ്മി ഹാജി വാണിയംകുളം, സ്വലാഹുദ്ദീന്‍ ഫൈസി വല്ലപ്പുഴ, അലവി ഫൈസി കുളപ്പറമ്പ്, സി.എച്ച് മഹ്മൂദ് സഅദി, സി.മുഹമ്മദലി ഫൈസി കോട്ടോപ്പാടം, പി.എം യൂസഫ് പത്തിരിപ്പാല, ഹസന്‍ആലംകോട്, ശാഹുല്‍ഹമീദ് മേല്‍മുറി സംബന്ധിച്ചു