കോഴിക്കോട്: ഈ വര്‍ഷത്തെ സംസ്ഥാന മലിനീകരണ നിയന്ത്രണ അവാര്‍ഡിന് പി.കെ സ്റ്റീല്‍ കാസ്റ്റിങ്‌സ് (എന്‍ജിനീയറിങ് വിഭാഗത്തില്‍ ഒന്നാം സ്ഥാനം) അര്‍ഹമായി. ശില്‍പവും പ്രശസ്തി പത്രവും ഒരു ലക്ഷം രൂപയുമടങ്ങുന്ന അവാര്‍ഡ് വ്യവസായ മന്ത്രി എ.സി മൊയ്തീന്‍ സമ്മാനിച്ചു. ഒന്നരലക്ഷം ലിറ്റര്‍ മലിനജലം ശുദ്ധീകരിക്കാന്‍ പര്യാപ്തമായ അതിനൂതന സാങ്കേതികവിദ്യ ഉപയോഗിച്ചുള്ള പ്ലാന്റ് കമ്പനിയില്‍ കഴിഞ്ഞവര്‍ഷം സ്ഥാപിച്ചിരുന്നു. ഇതോടെ പി.കെ സ്റ്റീല്‍സ് സീറോ വേസ്റ്റ് പ്ലാന്റായി മാറി.
പി.കെ സ്റ്റീല്‍ കാസ്റ്റിങ്‌സ് കേരളത്തില്‍ നിന്ന് ഏറ്റവും കൂടുതല്‍ എന്‍ജിനീയറിങ് ഉല്‍പന്നങ്ങള്‍ കയറ്റുമതിചെയ്യുന്ന സ്ഥാപനമാണ്. പരിസ്ഥിതി പരിപാലനത്തിനുള്ള അന്തര്‍ദേശീയ സര്‍ട്ടിഫിക്കേഷനും കമ്പനിക്കുണ്ട്. ഈ വര്‍ഷം കമ്പനിക്ക് എന്‍ജിനീയറിങ് എക്‌സ്‌പോര്‍ട്ട് പ്രൊമോഷന്‍ കൗണ്‍സിലിന്റെ സ്റ്റാര്‍ പെര്‍ഫോര്‍മര്‍ അവാര്‍ഡും കേരള സര്‍ക്കാരിന്റെ എനര്‍ജി കണ്‍സര്‍വേഷന്‍ അവാര്‍ഡും ലഭിച്ചിട്ടുണ്ട്.