എടക്കുളം: വര്‍ഷങ്ങള്‍ക്ക് മുന്‍പ് അനധികൃത മണല്‍ക്കടത്ത് നടത്തിയതിന് പൊലിസ് പിടിച്ചെടുത്ത വാഹനങ്ങള്‍ തിരുന്നാവായ പഞ്ചായത്തിന്റെ ഉടമസ്ഥതയിലുളള ഭൂമിയില്‍ തള്ളിയതിനെതിരേ പരാതി ഉയരുന്നു.
സ്വകാര്യ വ്യക്തിയുടെ ഉടമസ്ഥതയിലുള്ള സ്ഥലത്ത് കാലങ്ങളായി കിടന്നിരുന്ന ലോറി, കാര്‍, വാനുള്‍പ്പെടെയുളള വാഹനങ്ങളുടെ അവശിഷ്ടങ്ങളാണ് പഞ്ചായത്ത് ഭൂമിയില്‍ തള്ളിയിരിക്കുന്നത്. പഞ്ചായത്ത് ബസ് സ്റ്റാന്‍ഡ് നിര്‍മിക്കുന്നതിനായി നേരത്തെ തീരുമാനിച്ച ഭൂമിയിലാണ് തുരുമ്പെടുത്ത് നശിച്ച വാഹനങ്ങളുടെ അവശിഷ്ടങ്ങള്‍ തള്ളിയിരിക്കുന്നത്.