ന്യൂഡല്‍ഹി: ദലിത് യുവജന സംഘടനയായ ഭീം ആര്‍മിയുടെ നേതാവ് ചന്ദ്രശേഖര്‍ അറസ്റ്റില്‍. ഹിമാചല്‍പ്രദേശിലെ ഡല്‍ഹൗസിയില്‍ വച്ച് ഉത്തര്‍പ്രദേശ് പൊലിസിലെ പ്രത്യേക സംഘമാണ് അദ്ദേഹത്തെ അറസ്റ്റ്‌ചെയ്തത്. സഹാറന്‍പൂര്‍ എസ്.എസ്.പി ബാബ്ലൂ കുമാര്‍, ഡി.ഐ.ജി കെ.എസ് ഇമ്മാനുവേല്‍ എന്നിവരങ്ങുന്ന സംഘമാണ് അറസ്റ്റ്‌ചെയ്തത്. കഴിഞ്ഞമാസം ഒന്‍പതിന് സഹാറന്‍പൂരില്‍ പൊട്ടിപ്പുറപ്പെട്ട ദലിതരും മേല്‍ജാതിക്കാരായ താക്കൂര്‍ വിഭാഗവും തമ്മിലുïായ സംഘര്‍ഷവുമായി ബന്ധപ്പെട്ട കേസില്‍ പൊലിസ് പിടികിട്ടാപ്പുള്ളിയായി പ്രഖ്യാപിച്ചയാളായിരുന്നു ചന്ദ്രശേഖര്‍.