മലപ്പുറം: വിളയൂരിലെ ക്ഷേത്രത്തിലെ ദലിത് തന്ത്രിയായ ബിജുനാരായണ ശര്‍മയെ ആസിഡൊഴിച്ച് അപായപ്പെടുത്താന്‍ ശ്രമിച്ച പ്രതിയെ എത്രയുംപെട്ടെന്ന് അറസ്റ്റ് ചെയ്യണമെന്നു ദലിത് ലീഗ് ജില്ലാ കമ്മിറ്റി. പ്രതിയുടെ പേരില്‍ കൊലപാതകക്കുറ്റത്തിനു കേസെടുക്കണമെന്നും യോഗം അഭിപ്രായപ്പെട്ടു. എന്‍.വി മോഹന്‍ദാസ്, പ്രകാശ് മൂച്ചിക്കല്‍, വേലായുധന്‍ മഞ്ചേരി, വിജയന്‍ ഏലംകുളം എന്നിവര്‍ ആശുപത്രിയിലെത്തി ബിജുനാരായണ ശര്‍മയെ സന്ദര്‍ശിച്ചു.