കൊണ്ടോട്ടി: കരിപ്പൂര്‍ വിമാനത്താവളത്തില്‍ സുരക്ഷാ പരിശോധനയുടെ ഭാഗമായി രണ്ട് എക്‌സ്‌റേ യന്ത്രങ്ങള്‍കൂടിയെത്തി. 80 ലക്ഷം രൂപ ചെലവില്‍ ചൈനയില്‍നിന്നാണ് ഇവ ഇറക്കുമതി ചെയ്തത്.
വിമാനത്താവളത്തിലെ ആഭ്യന്തര, അന്താരാഷ്ട്ര ടെര്‍മിനലുകളിലാണ് ഇവ സ്ഥാപിക്കുക. കരിപ്പൂരില്‍ പരിശോധനയ്‌ക്കെത്തിയ സിവില്‍ ഏവിയേഷന്‍ സെക്യൂരിറ്റി ബ്യൂറോ പുതിയ എക്‌സ്‌റേ യന്ത്രങ്ങള്‍ സ്ഥാപിക്കണമെന്നു നിര്‍ദേശം നല്‍കിയിരുന്നു. സംശയം തോന്നുന്ന ബാഗേജുകളുടെ പരിശോധനയ്ക്കാണ് ഇവ ഉപയോഗിക്കുക.
സി.ഐ.എസ്.എഫിന്റെയും വിമാനക്കമ്പനി സുരക്ഷാ വിഭാഗത്തിന്റെയും നിയന്ത്രണത്തിലാണ് എക്‌സ്‌റേ പരിശോധന നടക്കുക.