കൊട്ടാരക്കര: കഞ്ചാവുമായി കൊലക്കേസ് പ്രതിയായ സ്വാമി പിടിയിലായി. പൂത്തൂര്‍മുക്ക് പുത്തന്‍പുരയില്‍ ആനന്ദനാ(45)ണ് വിദ്യാര്‍ത്ഥികള്‍ക്ക് കഞ്ചാവ് വില്‍ക്കുതിനിടയില്‍ എക്‌സൈസിന്റെ പിടിയിലായത്.
വ്യാഴാഴ്ച വൈകിട്ട് പൂത്തൂര്‍മുക്കിലെ ഐ.ടി.ഐക്ക് സമീപം കഞ്ചാവ് പില്‍പ്പന നടത്തുതിനിടയില്‍ ആവശ്യക്കാരെന്ന വ്യാജേന എത്തിയാണ്  ഇയാളെ പിടികൂടിയത്.
618 പൊതി കഞ്ചാവും പിടിച്ചെടുത്തിട്ടുണ്ട്. ഒരു പൊതിക്ക് 500 രൂപാ നിരക്കിലാണ് വില്‍പ്പന നടത്തിയിരുന്നത്. അരക്കിലോ കഞ്ചാവുമായി ഒരു വര്‍ഷം മുന്‍പും പിടിയിലായിരുന്നു. കൊലക്കേസില്‍ 13 വര്‍ഷം ജയില്‍ശിക്ഷയും അനുഭവിച്ചിട്ടുണ്ട്. സ്വാമി കഞ്ചാവ് എന്നറിയപ്പെടുന്ന ഇനത്തില്‍പ്പെട്ട കഞ്ചാവാണ് വില്‍പ്പന നടത്തിയിരുന്നതെന്ന് റെയ്ഡിന് നേതൃത്വം നല്‍കിയ സി.ഐ റോബര്‍ട്ട് പറഞ്ഞു.
പ്രിവന്റിവ് ഓഫിസര്‍ പ്രദീപ്കുമാര്‍, സിവില്‍ ഓഫിസര്‍മാരായ ജയകുമാര്‍, പ്രേംനസീര്‍, ബാബു, സന്തോഷ് എന്നിവരും സംഘത്തിലുണ്ടായിരുന്നു.