ചവറ: വീടാക്രമിച്ച് മകളെ തട്ടിക്കൊണ്ടുപോയ കേസില്‍ ബന്ധുക്കളായ അഞ്ചുപേരെ ചവറ പൊലിസ് അറസ്റ്റ്  ചെയ്തു. പന്മന പുത്തന്‍ചന്ത വടുതല കളിയിക്കല്‍ കിഴക്കതില്‍ ദലിത് യുവാവിന്റെ ഭാര്യ മുനീറയെ തട്ടിക്കൊണ്ടുപോയ കേസില്‍ മാതാവും മറ്റ് ബന്ധുക്കളുമായ ആബിദ ബീവി (55), ഷാനവാസ് (46), നസീമ (48), സബീന (38), റാഹില (36) എന്നിവരെയാണ് അറസ്റ്റ് ചെയ്തത്.
ചവറ എസ്.ഐ ജയകുമാര്‍, അഡീഷണല്‍ എസ്.ഐ മധുകുമാര്‍, വനിതാ പൊലിസുകാരായ ദീപ, മേരി എന്നിവരടങ്ങുന്ന സംഘം നീണ്ടകര പാലത്തിന് സമീപത്തു നിന്നാണ് പ്രതികളെ അറസ്റ്റ് ചെയ്തത്. സംഘത്തിനൊപ്പമുണ്ടായിരുന്ന മുനീറയെ പൊലിസ് മോചിപ്പിച്ചു.