ശ്രീകണ്ഠപുരം: കാഞ്ഞിരക്കൊല്ലിയില്‍ തുടര്‍ച്ചയായി ഉണ്ടാകുന്ന കാട്ടാനശല്യത്തിനു പരിഹാരമായി സൗരോര്‍ജ വേലി കെട്ടുമെന്ന് കെ.സി ജോസഫ് എം.എല്‍.എ. കഴിഞ്ഞ ദിവസം കാത്തിരക്കൊല്ലി മേഖലയില്‍ കാട്ടാനയിറങ്ങി 1200 വാഴകള്‍ അടക്കം നിരവധി കാര്‍ഷിക വിളകള്‍ നശിപ്പിച്ചിരുന്നു. കര്‍ഷകര്‍ക്ക് മതിയായ നഷ്ടപരിഹാരം നല്‍കാന്‍ ഉദ്യോഗസ്ഥര്‍ക്ക് നിര്‍ദേശം നല്‍കിയിട്ടുണ്ടെന്ന് സ്ഥലം സന്ദര്‍ശിച്ച എം.എല്‍.എ പറഞ്ഞു. ആനപ്പാറ മുതല്‍ എലപ്പാറവരെയാണ് സൗരോര്‍ജ വേലി കെട്ടുക. ഷാജി മാത്യു, ജോസ് ആഞ്ഞിലേല്‍, രതിഷ് അമ്പാട്, ചാക്കോ ആലപ്പാട്, ബിനോയ് എന്നിവരും ഒപ്പമുണ്ടായി.