പാണത്തൂര്‍ (കാസര്‍കോട്): അടക്ക ചാക്ക് മോഷ്ടിക്കാനുള്ള ശ്രമത്തിനിടയില്‍ വീട്ടുടമയുടെ വെടിയേറ്റ് യുവാവ് മരിച്ചു. പാണത്തൂര്‍ ചെത്തുകയം കുണ്ടച്ചി കാനത്തെ ഗണേശന്‍ (39) ആണ് മരിച്ചത്.
ഇന്നലെ പുലര്‍ച്ചെ ഒന്നോടെ കേരള - കര്‍ണാടക അതിര്‍ത്തിയായ പാണത്തൂര്‍ കരിക്കയത്ത് ആണ് സംഭവം. സംഭവത്തെക്കുറിച്ച് പൊലിസ് പറയുന്നത്: കരിക്കൈ ഏള്ളു കൊച്ചിയിലെ ഗോഡൗണില്‍ നിന്ന് അടക്ക ചാക്ക് കടത്തുന്നത് ശ്രദ്ധയില്‍പ്പെട്ട വീടുട്ടമ ലൈറ്റ് ഇട്ടതോടെ മോഷ്ടാവ് കൈയിലുണ്ടായിരുന്ന വെട്ടുകത്തി കൊണ്ട് ഗൃഹനാഥന്‍ ഹൈന്നണ്ണ (58) യെ ആക്രമിക്കാന്‍ ശ്രമിക്കുകയായിരുന്നു. ഇതേ തുടര്‍ന്ന് ഹൈന്നണ്ണ തന്റെ ലൈസന്‍സുള്ള തോക്ക് കൊണ്ട് വെടിവച്ചു. തുടയില്‍ വെടിയേറ്റ യുവാവ് സംഭവസ്ഥലത്ത് തന്നെ മരിച്ചു. ഒട്ടനവധി മോഷണ കേസിലെ പ്രതിയായ ഗണേശന്‍ ചെത്ത്കയത്തെ ജീപ്പ് ഡ്രൈവറാണ് .