ബംഗളൂരു: ചന്ദ്രന്റെ ഭ്രമണ പഥത്തില്‍ പ്രവേശിച്ച ചാന്ദ്ര ദൗത്യമായ ചന്ദ്രയാന്‍-2ന്റെ ഭ്രമണപഥം വീണ്ടും വിജയകരമായി ഉയര്‍ത്തിയതായി ഐ.എസ്.ആര്‍.ഒ. ഏറെ ശ്രമകരമായ നടപടിയായിരുന്നെങ്കിലും നടപടി വിജയകരമാക്കാന്‍ കഴിഞ്ഞതായും അവര്‍ അറിയിച്ചു.
നാളെ വീണ്ടും ദൗത്യത്തെ ചന്ദ്രോപരിതലത്തിലേക്ക് കൂടുതല്‍ അടുപ്പിക്കുമെന്നും ഐ.എസ്.ആര്‍.ഒ പറഞ്ഞു. ചന്ദ്രനിലേക്കുള്ള ദൗത്യത്തിന്റെ നീക്കം ചരിത്ര സംഭവമാണെന്നും അവര്‍ വ്യക്തമാക്കി. നാളത്തെ ദൗത്യം പൂര്‍ത്തിയാകുന്നതോടെ ചന്ദ്രന്റെ 100 കി.മീറ്റര്‍ അടുത്തേക്ക് ചന്ദ്രയാന്‍ എത്തും.
സെപ്റ്റംബര്‍ ഏഴിന് ചന്ദ്രന്റെ ദക്ഷിണ ധ്രുവത്തില്‍ ചന്ദ്രയാന്‍ ഇറങ്ങുമെന്നാണ് പ്രതീക്ഷിക്കുന്നത്.