ലണ്ടണ്ടന്‍: ഇംഗ്ലിഷ് പ്രീമിയര്‍ ലീഗില്‍ ആഴ്‌സനലിന് മിന്നും ജയം. ജര്‍മന്‍ താരം മെസൂട് ഓസിലിന്റെ മികച്ച പ്രകടനത്തിന്റെ പിന്‍ബലത്തിലായിരുന്നു ആഴ്‌സനല്‍ ജയം സ്വന്തമാക്കിയത്. ഹോം ഗ്രൗണ്ടണ്ടായ എമിറേറ്റ്‌സ് സ്‌റ്റേഡിയത്തില്‍ ലെസ്റ്റര്‍ സിറ്റിയെ ഒന്നിനെതിരേ മൂന്നു ഗോളുകള്‍ക്കാണ് ഗണ്ണേഴ്‌സ് മുക്കിയത്. ഒരു ഗോളിനു പിന്നിട്ടുനിന്ന ശേഷമാണ് മൂന്നു ഗോളുകള്‍ തിരിച്ചടിച്ച് ആഴ്‌സനല്‍ എതിരാളികളുടെ കഥ കഴിച്ചത്. മെസൂട് ഓസിലിന്റെ കരിയറിലെ തന്നെ ഏറ്റവും മികച്ച പ്രകടനമായിരുന്നു കഴിഞ്ഞ ദിവസം പുറത്തെടുത്തത്.
ഒരു ഗോള്‍ നേടുകയും രണ്ടണ്ടു ഗോളുകള്‍ക്ക് വഴിയൊരുക്കുകയും ചെയ്ത ഓസിലായിരുന്നു മത്സരത്തിലെ യഥാര്‍ഥ ഹീറോ. 45-ാം മിനുറ്റിലായിരുന്നു ഓസിലിന്റെ സമനില ഗോള്‍. 63, 66 മിനുറ്റുകളില്‍ പിയറെ എമെറിക്ക് ഓബമെയാങിന്റെ ഇരട്ട ഗോളുകള്‍ക്ക് വഴിയൊരുക്കിയതും ഓസിലായിരുന്നു. 31-ാം മിനുറ്റില്‍ ബെന്‍ ചില്‍വെലിലൂടെയാണ് ലെസ്റ്റര്‍ മുന്നിലെത്തുന്നത്. ആദ്യ പകുതിയില്‍ കളി മറന്ന ആഴ്‌സനല്‍ രണ്ടാം പകുതിയില്‍ അവിസ്മരണീയ പ്രകടനമാണ് പുറത്തെടുത്തത്. വിവിധ ടൂര്‍ണമെന്റുകളിലായി ആഴ്‌സനലിന്റെ തുടര്‍ച്ചയായ പത്താമത്തെ വിജയമായിരുന്നു കഴിഞ്ഞ ദിവസത്തേത്. ഒമ്പത് മല്‍സരങ്ങളില്‍ നിന്ന് ഏഴ് ജയവും രണ്ടണ്ടു തോല്‍വിയുമടക്കം 21 പോയിന്റുമായി ആഴ്‌സനല്‍ നാലാം സ്ഥാനത്താണിപ്പോഴുള്ളത്.
ലാലിഗയില്‍ റിയല്‍ സോസിഡാഡും ജിറോണയും തമ്മിലുള്ള മത്സരം ഗോള്‍ രഹിത സമനിലയില്‍ കലാശിച്ചു. ഇരുടീമുകളും ആക്രമിച്ചു കളിച്ചെങ്കിലും പ്രതിരോധത്തിന്റെ ശക്തികൊണ്ട് ഗോള്‍ശ്രമങ്ങളെല്ലാം പാഴാവുകയായിരുന്നു. ഇന്ന് രാത്രി 10.30ന് നടക്കുന്ന മത്സരത്തില്‍ റോയോ വല്ലേകാനോയും അത്‌ലറ്റിക്കോ ബില്‍ബാവോയും തമ്മില്‍ ഏറ്റുമുട്ടും.