ഹൈദരാബാദ്: അന്താരാഷ്ട്ര ക്രിക്കറ്റില്‍നിന്ന് വിരമിച്ച അമ്പാട്ടി റായുഡു ക്രിക്കറ്റിലേക്ക് തിരിച്ചുവരുന്നു.
ഇന്ത്യന്‍ താരം 2019-20 സീസണില്‍ ഹൈദരാബാദിന്റെ ടി20 ടീമിനൊപ്പം ചേരും. ഇക്കാര്യം ഹൈദരാബാദ് ക്രിക്കറ്റ് അസോസിയേഷന്‍ ഔദ്യോഗികമായി അറിയിച്ചു. നേരത്തെ ക്രിക്കറ്റില്‍നിന്ന് വിരമിച്ച റായുഡു ഇന്നലെ ഹൈദരാബാദിന് വേണ്ടി കളിക്കാന്‍ തയാറാണെന്ന് കാണിച്ച് ക്രിക്കറ്റ് അസോസിയേഷന് കത്തെഴുതിയിരുന്നു. ഇതിന് പിന്നാലെയാണ് അസോസിയേഷന്‍ താരത്തെ ടീമിലുള്‍പ്പെടുത്തിയത്. ചെന്നൈ സൂപ്പര്‍ കിങ്‌സ് ടീമും വി.വി.എസ് ലക്ഷ്മണ്‍, നോയല്‍ ഡേവിഡ് എന്നിവരുടെ പിന്തുണയുമാണ് താരത്തിന് ക്രിക്കറ്റിലേക്കുള്ള മടങ്ങിവരവിന് കളമൊരുക്കിയത്. സെപ്തംബര്‍ 10 മുതല്‍ താരം ടീമിനൊപ്പം കളിക്കുമെന്ന് അസോസിയേഷന് അയച്ച കത്തില്‍ പറയുന്നു. ലോകകപ്പ് ടീമില്‍ ഉള്‍പ്പെടുത്താത്തതിനെ തുടര്‍ന്ന് പ്രതിഷേധമെന്ന നിലയിലാണ് റായുഡു വിരമിക്കല്‍ പ്രഖ്യാപിച്ചത്.