എടപ്പാള്‍:സാധാരണയായി പോത്തുകള്‍ക്കു കറുത്ത നിറമാണ്.  എന്നാല്‍ പന്താവൂര്‍ സ്വദേശി മണക്കടവത്ത് ഉമ്മര്‍ കഴിഞ്ഞ ദിവസം പെരുമ്പിലാവു ചന്തയില്‍ നിന്നും വളര്‍ത്താന്‍ വാങ്ങിയ പോത്താണു നാട്ടുകാര്‍ക്കു കൗതുകമായത്. മൂന്നു പോത്തുകളെ വാങ്ങിയതില്‍ ഒരു പോത്ത് വെളുത്തനിറമാണ്. കഴിഞ്ഞ 25 വര്‍ഷമായി പോത്തുകച്ചവടം നടത്തുന്ന ഉമ്മര്‍ ആദ്യമായാണു വെളുത്തനിറത്തിലുള്ള പോത്തിനെ കാണുന്നതെന്നു സുപ്രഭാതത്തോടു പറഞ്ഞു. അതുകൊണ്ടാണു  കൗതുകപൂര്‍വം പോത്തിനെ വാങ്ങിയത്. വിവരമറിഞ്ഞതോടെ പോത്ത് താരമായിരിക്കുകയാണ്.