ആലപ്പുഴ: ചികിത്സയെ തുടര്‍ന്ന് ഒന്നര വയസുകാരി മരിച്ച സംഭവത്തില്‍ മോഹനന്‍ വൈദ്യര്‍ക്കെതിരെ കേസെടുത്തു. മന:പൂര്‍വ്വമല്ലാത്ത നരഹത്യ കുറ്റം ചാര്‍ത്തിയാണ് മാരാരിക്കുളം പൊലിസ് കേസെടുത്തത്.

വയനാട് സ്വദേശി ശ്രീജിത്ത് പെരുമന ഡി.ജി.പിക്ക് നല്‍കിയ പരാതിയിലാണ് നടപടി. മോഹനന്‍ വൈദ്യര്‍ നേരത്തേ മാരാരിക്കുളം പൊലിസ് സ്റ്റേഷന്‍ അതിര്‍ത്തിയില്‍ മരുത്തോര്‍വട്ടത്താണ് താമസിച്ചിരുന്നത്.

പ്രൊപ്പിയോണിക് അസീഡിമിയ എന്ന ജനിതക രോഗത്തിന് ചികിത്സയിലായിരുന്ന കുഞ്ഞ് മോഹനന്റെ അശാസ്ത്രീയ ചികിത്സ കൊണ്ട് മരിച്ചു എന്ന് പരാതി ഉയര്‍ന്നിരുന്നു. ഇതേത്തുടര്‍ന്ന് കഴിഞ്ഞ ദിവസം അന്വേഷണം ആവശ്യപ്പെട്ട് ആരോഗ്യമന്ത്രി കെ.കെ ശൈലജ മുഖ്യമന്ത്രിക്ക് കത്ത് നല്‍കിയിരുന്നു. ഇതിന് പിന്നാലെയാണ് പൊലിസ് നടപടി.

ഇദ്ദേഹത്തിന്റെ ചികിത്സാ കേന്ദ്രം കായംകുളത്തായതിനാല്‍ അന്വേഷണം കായംകുളം പോലീസിന് കൈമാറി ഇന്ന് ആലപ്പുഴയില്‍ ഡി.ജി.പി ലോക്‌നാഥ് ബെഹ്‌റ നടത്തിയ അദാലത്തിലാണ് പരാതി സമര്‍പ്പിച്ചത് മനപൂര്‍വ്വമല്ലാത്ത നരഹത്യയ്ക്ക് പുറമെ അശ്രദ്ധയെ തുടര്‍ന്ന് മനുഷ്യജീവന് അപായ ഉണ്ടായതിനും, ചികിത്സ നിയമത്തിന് വിരുദ്ധമായി പ്രവര്‍ത്തിച്ചതിനുമാണ് മാരാരിക്കുളം പോലീസ് എഫ്.ഐ.ആര്‍ രജിസ്ടര്‍ ചെയ്തത്.