മൊണാക്കോ: യൂറോപ്പ ലീഗ് ഫുട്‌ബോള്‍ ഗ്രൂപ്പ് ഘട്ടത്തിലെ മത്സരക്രമം നറുക്കെടുപ്പിലൂടെ തീരുമാനിച്ചു. 2017 ലെ ജേതാക്കളായ മാഞ്ചസ്റ്റര്‍ യുനൈറ്റഡിന് മുന്നേറ്റം അനായാസമാകുമെന്നാണ് വിലയിരുത്തല്‍. ഗ്രൂപ്പ് എലില്‍ കസാഖ് ടീമായ അസ്താന, സെര്‍ബിയന്‍ ടീമായ പാര്‍ട്ടിസാന്‍ ബെല്‍ഗ്രേഡ്, ഡച്ച് ടീം അല്‍ക്മാര്‍ എന്നിവയാണ് യുനൈറ്റഡിന്റെ ഗ്രൂപ്പിലുള്ളത്.
അസ്താനയെ നേരിടാന്‍ പത്ത് മണിക്കൂറോളം നീളുന്ന വിമാനയാത്ര ചെയ്യേണ്ടിവരും യുണൈറ്റഡ് താരങ്ങള്‍ക്ക്. ആഴ്‌സനലിന്റെ ഗ്രൂപ്പില്‍ ഐന്‍ട്രാക്റ്റ് ഫ്രാങ്ക്ഫര്‍ട്ട്, സ്റ്റാന്‍ഡേര്‍ഡ് ലീജ്, വിറ്റോറിയ ക്ലബ്ബുകളാണുള്ളത്.
ഗ്രൂപ്പ് എയില്‍ സെവിയ്യക്കും ശക്തരായ എതിരാളികളില്ല. ഗ്രൂപ്പ് എഫിലാണ് ആഴ്‌സനല്‍. എസ്പാനിയോല്‍ ഗ്രൂപ്പ് എച്ചിലും റോമ ഗ്രൂപ്പ് ജെ യിലുമാണ്. വോള്‍വ്‌സാണ് ഗ്രൂപ്പ് കെയിലെ പ്രമുഖ ടീം.