ഗൂഡല്ലൂര്‍: പന്തല്ലൂര്‍ താലൂക്കിലെ നെല്ലാക്കോട്ടയില്‍ പതിനേഴുകാരിയെ തട്ടിക്കൊണ്ടുപോയ സംഭവത്തില്‍ ഓട്ടോ ഡ്രൈവര്‍ അറസ്റ്റില്‍. വിലങ്ങൂര്‍ സ്വദേശി മെയ്യപ്പന്‍ (24)ആണ് അറസ്റ്റിലായത്.
നെല്ലാക്കോട്ട സ്വദേശിനിയായ യുവതിയെ കഴിഞ്ഞ 14 മുതല്‍ കാണാതായിരുന്നു. ഇതു സംബന്ധിച്ച പിതാവ് പൊലിസില്‍ പരാതി നല്‍കിയിരുന്നു. പൊലിസ് നടത്തിയ അന്വേഷണത്തിലാണ് യുവതി മെയ്യപ്പനൊപ്പമാണെന്ന് കണ്ടെത്തിയത്. പെണ്‍കുട്ടിയെ തട്ടിക്കൊണ്ടുപോയി ഒളിവില്‍ താമസിപ്പിച്ചിരുന്ന പുതുക്കോട്ടയില്‍ നിന്ന് പൊലിസ് കുട്ടിയെ മോചിപ്പിച്ച് ജില്ലാ ശിശുക്ഷേമ വകുപ്പ് അധികൃതര്‍ക്ക് കൈമാറി. യുവാവിനെതിരേ പോക്‌സോ ചുമത്തി കേസ് രജിസ്റ്റര്‍ ചെയ്തു.