കോട്ടയം: പാലാ ഉപതെരഞ്ഞെടുപ്പില്‍ സ്ഥാനാര്‍ഥിയെ പ്രഖ്യാപിക്കുന്നതിനെച്ചൊല്ലി കേരളാ കോണ്‍ഗ്രസ് എമ്മില്‍ തര്‍ക്കം തുടരുന്നു. സ്ഥാനാര്‍ഥിയെ ഇന്നു തന്നെ പ്രഖ്യാപിക്കുമെന്ന് ജോസ് കെ. മാണി പ്രഖ്യാപിച്ചെങ്കിലും അതു നടക്കില്ലെന്ന് പറഞ്ഞിരിക്കുകയാണ് പി.ജെ ജോസഫ്.

പാര്‍ട്ടി കൂട്ടായി ചര്‍ച്ചചെയ്ത് ഒരു പേരിലെത്തുമെന്ന് ജോസ് കെ. മാണി പറഞ്ഞു. സ്ഥാനാര്‍ഥി രണ്ടില ചിഹ്നത്തില്‍ തന്നെയായിരിക്കുമെന്നും അദ്ദേഹം പറഞ്ഞു.

എന്നാല്‍, സ്ഥാനാര്‍ഥിയുടെ കാര്യത്തില്‍ ചര്‍ച്ച പൂര്‍ത്തിയായിട്ടില്ലെന്നാണ് പി.ജെ ജോസഫിന്റെ പ്രതികരണം. കൂടുതല്‍ സമയം ആവശ്യമാണെന്നും ചൊവ്വാഴ്ചയോടെ പ്രഖ്യാപനമുണ്ടാവുമെന്നാണ് യു.ഡി.എഫ് കണ്‍വീനര്‍ അറിയിച്ചതെന്നും പി.ജെ ജോസഫ് പറഞ്ഞു.