പൂഞ്ഞാര്‍: വൈദ്യുതി ലഭ്യമായിട്ടില്ലാത്ത സഹപാഠിയുടെ ഭവനത്തില്‍ സൗരോര്‍ജ്ജ പാനല്‍ നല്‍കി വിദ്യാര്‍ഥികള്‍ മാതൃകയായി. എസ്.എം.വി ഹയര്‍ സെക്കന്‍ഡറി സ്‌കൂള്‍ എന്‍.എസ്.എസ് യൂനിറ്റിന്റെ ആഭിമുഖ്യത്തിലാണ് സഹപാഠിയ്ക്ക് സൗരോര്‍ജ്ജ പാനല്‍ നല്‍കിയത്. ജില്ലാ പഞ്ചായത്തംഗം കെ. രാജേഷ് ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് രമേഷ് ബി. വെട്ടിമറ്റം അധ്യക്ഷത വഹിച്ചു. മാനേജര്‍ എന്‍ മുരളീധരവര്‍മ്മ, പ്രിന്‍സിപ്പാള്‍ ഷൈല ജി. നായര്‍, ഹെഡ്മാസ്റ്റര്‍ ആര്‍ നന്ദകുമാര്‍, കെ.ആര്‍ മോഹനന്‍ നായര്‍, ജോണി വെട്ടുവയലില്‍, നയന ഗോപന്‍, മീരാ കൃഷ്ണന്‍ തുടങ്ങിയവര്‍ സംസാരിച്ചു.