മണ്ണഞ്ചേരി :സ്വകാര്യബസിന്റെ ബ്രേക്ക് തകരാറിലായതിനെതുടര്‍ന്ന് ഡ്രൈവര്‍ ബസ് റോഡരുകിലെ ഇളക്കമണ്ണിലേക്ക് ഒതുക്കിയതിനാല്‍ വന്‍ദുരന്തം ഒഴിവായി.
  ഇന്നലെ ഉച്ചയ്ക്ക് ഒരുമണിയോട് മണ്ണഞ്ചേരി ജംങ്ഷന് നൂറുമീറ്റര്‍ പടിഞ്ഞാറുഭാഗത്തായിരുന്നു സംഭവം. ആലപ്പുഴയില്‍ നിന്നും യാത്രക്കാരുമായി മണ്ണഞ്ചേരിയില്‍ എത്തി കലവൂര്‍ ഭാഗത്തേയ്ക്ക് പോകുമ്പോഴായിരുന്നു സംഭവം നടന്നത്. സമീപത്തെ മതിലിനോട് ചേര്‍ന്ന് ബസ് മണ്ണില്‍ പുതഞ്ഞു നില്‍ക്കുകയായിരുന്നു. വിവരം അറിഞ്ഞ് നാട്ടുകാരെത്തി ബസ് കുഴിയില്‍നിന്നും തള്ളിക്കയറ്റുകയും ചെയ്തു.