കോട്ടയം: പാലാ ഉപതെരഞ്ഞെടുപ്പില്‍ സ്ഥാനാര്‍ഥിയെ നിര്‍ണയിക്കുന്നതിനെച്ചൊല്ലി കേരളാ കോണ്‍ഗ്രസില്‍ രൂപപ്പെട്ട രൂക്ഷ തര്‍ക്കം അയഞ്ഞതായി സൂചന. ജോസ് ടോമിനെ സ്ഥാനാര്‍ഥിയായി യു.ഡി.എഫ് പ്രഖ്യാപിച്ചതോടെ, പരസ്യമായി എതിര്‍പ്പൊന്നും അദ്ദേഹം പ്രകടിപ്പിച്ചിട്ടില്ല. യു.ഡി.എഫിന്റെ വിജയത്തിനായി പ്രവര്‍ത്തിക്കുമെന്നും കേരള കോണ്‍ഗ്രസിന്റെ വര്‍ക്കിങ് ചെയര്‍മാന്‍ കൂടിയായ പി.ജെ ജോസഫ് പറഞ്ഞു.

എന്നാല്‍ സ്ഥാനാര്‍ഥിക്ക് രണ്ടില ചിഹ്നം നല്‍കുമോ ഇല്ലേയെന്ന കാര്യത്തില്‍ ഇനിയും അദ്ദേഹം വ്യക്തത വരുത്തിയിട്ടില്ല. രണ്ടില ചിഹ്നം അനുവദിക്കുന്നതില്‍ ചില സാങ്കേതിക പ്രശ്‌നങ്ങള്‍ ഉണ്ടെന്നും അതേക്കുറിച്ച് പ്രതിപക്ഷ നേതാവ് രമേശ് ചെന്നിത്തല നേരത്തെ വ്യക്തമാക്കിയിട്ടുണ്ടെന്നും അദ്ദേഹം പറഞ്ഞു.