ഫറോക്ക്: നല്ലൂര്‍ അത്തംവളിവല്‍ പാതയോരത്ത് കക്കൂസ് മാലിന്യം തളളി. ഫറോക്ക് - കടലുണ്ടി റോഡിനു സമീപത്തെ പുളിക്കത്തറ വയലിലേക്കാണ് മാലിന്യം തളളിയത്. കഴിഞ്ഞ ദിവസം രാത്രി വാഹനത്തിലെത്തി പാതയോരത്തും വയലിലേക്കുമായി മാലിന്യം തളളുകയായിരുന്നു. പരിസരമാകെ ദുര്‍ഗന്ധം വമിച്ചതിനെ തുടര്‍ന്ന് പരിശോധിച്ചപ്പോഴാണ് മാലിന്യം തളളിയത്് കണ്ടത്.
വെളളം നിറഞ്ഞു നില്‍ക്കുന്ന വയലിലേക്ക് മാലിന്യം തളളിയത് സമീപത്തെ കുടിവെളള സ്രോതസ്സുകള്‍ക്കും ഭീഷണിയായിരിക്കുകയാണ്. വയലിനു സമീപത്തെ മുടത്തിക്കല്‍ തോടിലൂടെ മലിനജലമൊഴുകി ജനവാസ കേന്ദ്രത്തിലേക്കെത്തുമെന്ന ആശങ്കയിലാണ് നാട്ടുകാര്‍. പ്രദേശത്തെ വയലിലും ഓടകളിലും കക്കൂസ് മാലിന്യം തള്ളുന്നത് പതിവായിട്ടുണ്ട്. റോഡിലെ ആളൊഴിഞ്ഞ ഭാഗത്ത് രാത്രി കാലങ്ങളില്‍ വാഹനങ്ങളിലെത്തിയാണ് കക്കൂസ് മാലിന്യം കൊണ്ടുവന്നു തള്ളുന്നതെന്ന് നാട്ടുകാര്‍ പറയുന്നു. തെരുവുവിളക്കുകള്‍ കത്താത്ത ഇവര്‍ക്ക് അനുഗ്രഹമാവുകയാണ്.