അടിമാലി: മീന്‍പിടിക്കാന്‍ വിരിച്ചവലയില്‍ കുരുങ്ങിയത് പെരുമ്പാമ്പ്. കല്ലാര്‍കുട്ടി ഡാമില്‍ മാന്‍കടവ് പാലത്തിന് സമീപമാണ് പെരുമ്പാമ്പിനെ മീന്‍ വലയില്‍ കുരുങ്ങിയനിലയില്‍ ഇന്നലെ രാവിലെ കണ്ടെത്തിയത്.
10 അടിയോളം നീളവും 20 കിലോയ്ക്കടുത്ത് തൂക്കവുമുള്ള പാമ്പിനെയാണ് കണ്ടെത്തിയത്.
നാട്ടുകാര്‍ വിവരമറിയിച്ചതിനെ തുടര്‍ന്ന് മച്ചിപ്പളാവ് ഫോറസ്റ്റ് സ്റ്റേഷനില്‍ നിന്നും വനപാലകരെത്തി ചാക്കിലാക്കിയ പെരുമ്പാമ്പിനെ പിന്നീട് നേര്യമംഗലം വനമേഖലയില്‍ തുറന്നു വിട്ടു.