നരിക്കുനി: മടവൂര്‍ പഞ്ചായത്തില്‍ ആരാമ്പ്രം കരിപ്പൂരില്‍ ജമാല്‍ എന്ന വ്യക്തി നടത്തിവരുന്ന വ്യാജ ആത്മീയ കേന്ദ്രത്തിനെതിരേ വീണ്ടും പരാതിയുമായി നാട്ടുകാര്‍ രംഗത്ത്. ഇയാള്‍ നടത്തുന്ന ചികിത്സയും സാമ്പത്തിക തട്ടിപ്പും ചോദ്യം ചെയ്ത യുവാക്കളെ ക്രൂരമായി മര്‍ദ്ദിച്ചതായാണ് പരാതി. പുറത്തുനിന്നും ഗുണ്ടണ്ടകളെ ഇറക്കി മര്‍ദ്ദിക്കുകയും അസഭ്യം പറയുകയും ചെയ്തതായാണ് കുന്ദമംഗലം പൊലിസ് സ്റ്റേഷനില്‍ നല്‍കിയ പരാതിയില്‍ പറയുന്നത്.
പരുക്കേറ്റ എം.കെ ഉബൈസ്, എം.സി സുബൈര്‍ എന്നിവരെ പരുക്കുകളോടെ താമരശ്ശേരി ആശുപത്രിയില്‍ പ്രവേശിപ്പിച്ചു.