ജിദ്ദ: സഊദിയിലെ ഹോട്ടലുകളിലോ മറ്റു ടൂറിസ്റ്റ്  താമസകേന്ദ്രങ്ങളിലോ അല്‍ ജസീറയുടെ ഏതെങ്കിലും ചാനലുകള്‍ പ്രദര്‍ശിപ്പിച്ചാല്‍ ഒരു ലക്ഷം റിയാല്‍ പിഴയും ലൈസന്‍സ് റദ്ദാക്കല്‍ നപടികളും നേരിടേണ്ടി വരുമെന്ന് സഊദി ടൂറിസം വകുപ്പ് ജനറല്‍ അതോറിറ്റി അറിയിച്ചു. അല്‍ജസീറയുടെ എല്ലാ ചാനലുകളും എത്രയും വേഗം നീക്കം ചെയ്യാനും അറിയിപ്പില്‍ ആവശ്യപ്പെട്ടുണ്ട്.

സഊദിയില്‍ പ്രവര്‍ത്തിക്കുന്നതിന് അല്‍ജസീറക്ക് നല്‍കിയ മീഡിയ ലൈസന്‍സ് സഊദി നേരത്തെ തന്നെ റദ്ദ് ചെയ്യുകയും റിയാദ് ബ്യൂറോ അടച്ചുപൂട്ടുകയും ചെയ്തിരുന്നു. യമനിലെ ഇറാന്‍ അനുകൂലികള്‍ക്ക് സഹായകരമായി പ്രവര്‍ത്തിക്കുകയും അറബ് സഖ്യത്തിനെതിരേ നിലകൊള്ളുകയും ചെയ്‌തെന്നും അല്‍ ജസീറ ഇതിനായി പ്രവര്‍ത്തിച്ചുവെന്നും സഊദി വാര്‍ത്താ ഏജന്‍സി റിപ്പോര്‍ട്ട് ചെയ്തിരുന്നു.