ബദരീനാഥ്: തീര്‍ഥാടകരുമായി പറന്നുയര്‍ന്ന ഹെലികോപ്റ്റര്‍ തകര്‍ന്നു വീണു. വീഴാന്‍ തുടങ്ങിയ ഹെലികോപ്റ്ററില്‍നിന്നു പുറത്തുചാടിയ എന്‍ജിനീയര്‍ ഹെലികോപ്റ്ററിന്റെ പങ്ക തട്ടി മരിച്ചു.

രണ്ടു പൈലറ്റുമാര്‍ പരുക്കുകളോടെ രക്ഷപ്പെട്ടു. ഹെലികോപ്റ്ററില്‍ ഉണ്ടായിരുന്ന അഞ്ചു യാത്രക്കാര്‍ സുരക്ഷിതരാണ്.

ഇന്നു രാവിലെ 7.45 ഓടെയായിരുന്നു സംഭവം. ബദരീനാഥില്‍നിന്നു ഹരിദ്വാറിലേക്കുള്ള യാത്രക്കിടെയാണ് ഹെലിക്കോപ്റ്റര്‍ തകര്‍ന്നത്. പറന്നുയര്‍ന്ന ഉടന്‍ തകര്‍ന്നു വീഴുകയായിരുന്നു.

മുംബൈ കേന്ദ്രമായി പ്രവര്‍ത്തിക്കുന്ന സ്വകാര്യഗ്രൂപ്പിന്റെതാണ് ഹെലികോപ്റ്റര്‍.