ശാസ്താംകോട്ട: മദ്യലഹരിയില്‍ ഓടിച്ചകാര്‍ തട്ടി സകൂട്ടര്‍ യാത്രികയ്ക്ക് പരിക്ക്. ശൂരനാട് വടക്ക് ആനയടി സ്വദേശി രാധമണിയെ പരുക്കുകളോടെ ശാസ്താംകോട്ട താലൂക്കാശുപത്രിയില്‍ പ്രവേശിപ്പിച്ചു.
ഇന്നലെ രാവിലെ 10ന് ശാസ്താംകോട്ട ഫെഡറല്‍ ബാങ്കിന് മുന്നിലായിരുന്നു സംഭവം. കാര്‍ ഓടിച്ചയാളെ പൊലിസ് കസ്റ്റഡിയിലെടുത്തു. ശാസ്താംകോട്ടയില്‍ നിന്ന് ഭരണിക്കാവിലേക്കാണ് മദ്യലഹരിയില്‍ യുവാവ് കാര്‍ ഓടിച്ചത്.
നിയന്ത്രണംവിട്ട കാര്‍ മൂന്ന് വാഹനങ്ങളില്‍ തട്ടിയതിനു ശേഷമാണ് എതിരേ സ്‌കൂട്ടറില്‍ വന്ന യുവതിയെ ഇടിച്ചു വീഴ്ത്തിയത്. കണ്ടു നിന്ന നാട്ടുകാര്‍ പൊലിസില്‍ വിവരം അറിയിച്ചതിന് ശേഷം കാറിനെ പിന്തുടര്‍ന്നു തടയുകയായിരുന്നു.
പിന്നാലെയെത്തിയ പൊലിസാണ് യുവാവിനെ കസ്റ്റഡിയില്‍ എടുത്തത്.