കാസര്‍കോട്: പ്രമുഖ മത പണ്ഡിതനും സമസ്ത സീനിയര്‍ ഉപാധ്യക്ഷനുമായിരുന്ന സി.എം അബ്ദുല്ല മൗലവിയുടെ ഘാതകരെ നിയമത്തിനുമുന്നില്‍ കൊണ്ടുവരണമെന്നാവശ്യപ്പെട്ടു കാസര്‍കോട്ട് നടത്തുന്ന അനിശ്ചിതകാല സമരത്തിനു പിന്തുണമായി ജില്ലാ ദാരിമീസ് അസോസിയേഷന്‍ സമരപ്പന്തലിലെത്തി.
സി.എം അബ്ദുല്ല മൗലവിയുടെ കുടുംബവും ജനകീയ ആക്ഷന്‍ കമ്മിറ്റിയും സംയുക്തമായി നടത്തി വരുന്ന അനിശ്ചിതകാല സമരം പതിനഞ്ചു ദിവസം പിന്നിട്ടു.
ഇന്നലെനടന്ന സമരം അബ്ദുല്‍ സലാം ദാരിമി ആലംപാടി ഉദ്ഘാടനം ചെയ്തു. അബൂബക്കര്‍ ഉദുമ അധ്യക്ഷനായി.
അബ്ദുല്‍ റസാഖ് ദാരിമി, അലി ദാരിമി, അസീസ് ദാരിമി, ഹാഷിം ദാരിമി, ഹൈദര്‍ ദാരിമി, മുസ്തഫ ദാരിമി, മഹ്മൂദ് ദാരിമി, സി.കെ മുഹമ്മദ് ദാരിമി, അബ്ദുല്‍ ഖാദര്‍ സഅദി, ഉസ്മാന്‍ ദാരിമി തുടങ്ങിയവര്‍ സംസാരിച്ചു.