പരപ്പനങ്ങാടി: പുത്തരിക്കല്‍ പെംസ് സ്‌കൂളിലെ ജെ.ആര്‍.സിയുടെ നേതൃത്വത്തിലുള്ള വിദ്യാര്‍ഥിസംഘം കുറ്റിപ്പുറം തവനൂര്‍ വൃദ്ധസദനം സന്ദര്‍ശിച്ചു. സദനത്തിലെ അന്തേവാസികളായ വയോധികരോടൊപ്പം മണിക്കൂറുകള്‍ ചെലവിട്ട വിദ്യാര്‍ഥികള്‍ പരസ്പരം കാര്യങ്ങള്‍ പങ്കുവച്ചു.
വൃദ്ധജനങ്ങളെ സ്‌നേഹിക്കാനും അവരുടെ സംരക്ഷണത്തിനുവേണ്ടി പ്രവര്‍ത്തിക്കാനും കുട്ടികള്‍ തീരുമാനമെടുത്തു.
അധ്യാപകരും വിദ്യാര്‍ഥികളും ചേര്‍ന്ന് ഭക്ഷണ പദാര്‍ഥങ്ങള്‍, വസ്ത്രങ്ങള്‍, നിത്യഉപയോഗ സാമഗ്രികള്‍ തുടങ്ങിയവ അന്തേവാസികള്‍ക്ക് നല്‍കി. ജെ.ആര്‍.സി കൗണ്‍സിലര്‍മാരായ ഷാനവാസ് മുള്ളുങ്ങല്‍, സോന, വിദ്യാര്‍ഥികളായ മിന്‍ഹ, നൂറ,ഹംദ, സഫ് വാന, നദ്ബ, ഫറാസ്, അമല്‍ എന്നിവരുടെ നേതൃത്വത്തിലായിരുന്നു സന്ദര്‍ശനം നടത്തിയത്.