ജിദ്ദ: പുതിയ ഹിജ്‌റ വര്‍ഷാരംഭം പ്രമാണിച്ചു സമസ്ത ഇസ്ലാമിക സെന്റര്‍ ജിദ്ദ സെന്‍ട്രല്‍ കമ്മിറ്റി 'ഹിജ്‌റ: കാലാതിവര്‍ത്തിയായ കാല്‍പാടുകള്‍' എന്ന വിഷയത്തില്‍ പ്രഭാഷണം സംഘടിപ്പിച്ചു. എസ് ഐ സി നാഷണല്‍ കമ്മിറ്റി പ്രസിഡന്റ് സയ്യിദ് ഉബൈദുല്ല തങ്ങള്‍ മേലാറ്റൂര്‍ ഉല്ഘാടനം ചെയ്തു. എസ്. ഐ. സി നാഷണല്‍ കമ്മിറ്റി വര്‍ക്കിംഗ് സെക്രട്ടറി അറക്കല്‍ അബ്ദുറഹ്മാന്‍ മൗലവി മുഖ്യ പ്രഭാഷണം നടത്തി. ഷറഫിയ്യയില്‍ വെച്ച് നടന്ന പരിപാടിയില്‍ എസ്. ഐ. സി. ജിദ്ദ സെന്‍ട്രല്‍ കമ്മിറ്റി പ്രസിഡന്റ് സയ്യിദ് അന്‍വര്‍ തങ്ങള്‍ കല്‍പകഞ്ചേരി അധ്യക്ഷത വഹിച്ചു. സയ്യിദ് സൈനുല്‍ ആബിദീന്‍ തങ്ങള്‍, മുസ്തഫ ഫൈസി ചേരൂര്‍, അബുബക്കര്‍ ദാരിമി ആലംപാടി, എന്‍.പി. അബുബക്കര്‍ ഹാജി, എം.സി. സുബൈര്‍ ഹുദവി, സൈനുദ്ധീന്‍ അന്‍വരി മക്ക, ഉസ്മാന്‍ എടത്തില്‍ തുടങ്ങിയവര്‍ പ്രസംഗിച്ചു. നൗഷാദ് അന്‍വരി മോളൂര്‍ സ്വാഗതവും ദില്‍ഷാദ് കാടാമ്പുഴ നന്ദിയും പറഞ്ഞു.