മട്ടാഞ്ചേരി: ഫോര്‍ട്ട്‌കൊച്ചി ദ്രോണാചാര്യക്ക് സമീപത്തെ മൈതാനിയില്‍ മഴവെള്ളം കെട്ടിക്കിടന്ന് ഡ്രൈവിങ് ടെസ്റ്റും പരിശീലനവും നടത്താന്‍ ബുദ്ധിമുട്ടായ സാഹചര്യത്തില്‍ വില്ലിങ്ങ്ടന്‍ ഐലന്റ് വാക്ക് വേക്ക് എതിര്‍വശത്തുള്ള ഗ്രൗണ്ടിലേക്ക് ഇത് മാറ്റാന്‍ അടിയന്തിര നടപടി സ്വീകരിച്ചതായി മോട്ടോര്‍ വാഹന വകുപ്പ് അധികൃതര്‍ അറിയിച്ചു.
കൊച്ചി തുറുമുഖ ട്രസ്റ്റ് മോട്ടോര്‍ വാഹന വകുപ്പിന് ഐലന്റില്‍ രണ്ടേക്കര്‍ സ്ഥലം അനുവദിച്ചിരുന്നു. എവിടെ ടെസ്റ്റിനും പരിശീലനത്തിനും സജ്ജമാകുന്നതിനുള്ള ജോലികള്‍ പൂര്‍ത്തിയായി വരികയാണ്. ഇവിടെ മണ്ണടിച്ച് തയ്യാറാക്കുന്ന ജോലിയാണ് നടക്കുന്നത്. വരുന്ന ആഴ്ച തന്നെ ടെസ്സ് ഇങ്ങോട്ട് മാറ്റാനാകുമെന്നാണ് പ്രതീക്ഷ.