ഒറ്റപ്പാലം: സി.പി.എം ഭരിക്കുന്ന ഒറ്റപ്പാലം നഗരസഭയില്‍ ചെയര്‍മാനെതിരേയും വൈസ് ചെയര്‍മാനെതിരേയും പ്രതിപക്ഷം കൊണ്ടുവന്ന അവിശ്വാസത്തെ ബി.ജെ.പി സഹായത്തോടെ സി.പി.എം അതിജീവിച്ചു.
യു.ഡി.എഫ് ഏഴ്, സ്വതന്ത്ര മുന്നണി ആറ്, സ്വതന്ത്രന്‍ ഒന്ന് എന്നിങ്ങനെ 14 കൗണ്‍സിലര്‍മാരുടെ പിന്തുണയാണ് അവിശ്വാസപ്രമേയത്തിന് അനുകൂലമായി ലഭിച്ചത്. ബി.ജെ.പി അംഗങ്ങള്‍ സി.പി.എം ഭരണം നിലനിര്‍ത്താനായി അവിശ്വാസപ്രമേയത്തില്‍ നിന്ന് വിട്ടുനില്‍ക്കുകയായിരുന്നു.
മോഷണക്കേസില്‍ പ്രതിയായ കൗണ്‍സില്‍ അംഗം ബി. സുജാതയെ പാര്‍ട്ടി പുറത്താക്കിയതോടെ സി.പി.എമ്മിന് നിലവില്‍ 14 അംഗങ്ങളാണുള്ളത്. 36 അംഗ കൗണ്‍സിലില്‍ അവിശ്വാസം പാസാകുന്നതിന്ന് 19 അംഗങ്ങളുടെ പിന്തുണയാണ് വേണ്ടിയിരുന്നത്.