കാസര്‍കോട്: എസ്.കെ.എസ്.എസ്.എഫ് മുന്‍ സംസ്ഥാന വൈസ് പ്രസിഡന്റും കാസര്‍കോട് ജില്ലാ പ്രസിഡന്റുമായിരുന്ന ഇബ്‌റാഹീം ഫൈസി ജെഡിയാര്‍ (37) അന്തരിച്ചു. ഇന്നലെ പുലര്‍ച്ചെ 3.30 ന് സ്വവസതിയില്‍ വച്ചായിരുന്നു അന്ത്യം. അസുഖ ബാധിതനായി ഒന്നര വര്‍ഷത്തോളമായി ചികിത്സയിലായിരുന്നു.
ഈയടുത്തായി സമസ്ത കാസര്‍കോട് ജില്ലാ മുശാവറ അംഗമായി തെരഞ്ഞെടുക്കപ്പെട്ടിരുന്നു. സുപ്രഭാതം ജനറല്‍ബോഡി അംഗം, കാസര്‍കോട് ജില്ലാ ഗവേര്‍ണിങ് ബോര്‍ഡ് അംഗം, അണങ്കൂര്‍ റൈഞ്ച് ജംഇയ്യത്തുല്‍ മുഅല്ലിമീന്‍ പ്രസിഡന്റ് തുടങ്ങിയ നിലയില്‍ പ്രവര്‍ത്തിച്ചിട്ടുണ്ട്. എസ്.കെ.എസ്.എസ്.എഫ് കാസര്‍കോട് ജില്ലാ കമ്മിറ്റി നല്‍കി വരുന്ന ശംസുല്‍ ഉലമാ അവാര്‍ഡ് ജേതാവ് കൂടിയാണ്. പരേതനായ ജെഡിയാര്‍ അബ്ദുറഹിമാന്‍-ആമിന ദമ്പതികളുടെ മകനാണ്.
ഭാര്യ: അനീസ. മക്കള്‍: ഫാത്തിമത്ത് ഹദ്‌യ, നബ്‌വാന്‍. സഹോദരങ്ങള്‍: അബ്ദുല്ല പടുപ്പ്, യൂസുഫ് ജെഡിയാര്‍, അബ്ദുല്‍ ഖാദര്‍ ചെങ്കള, ബീഫാത്തിമ മജല്‍, നഫീസ സഞ്ചക്കടവ്. മയ്യിത്ത് നിസ്‌കാരത്തിന് സമസ്ത കേന്ദ്ര മുശാവറ അംഗവും കാസര്‍കോട് ജില്ലാ പ്രസിഡന്റുമായ ത്വാഖാ അഹമ്മദ് അല്‍ അസ്ഹരി നേതൃത്വം നല്‍കി. ചെങ്കള ജുമാ മസ്ജിദ് ഖബര്‍ സ്ഥാനില്‍ ഖബറടക്കി.