കോഴിക്കോട്: സമസ്ത കേരള ജംഇയ്യത്തുല്‍ ഉലമാ കേന്ദ്ര മുശാവറ അംഗവും സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജോ.സെക്രട്ടറിയുമായിരുന്ന എം.എ ഖാസിം മുസ്‌ലിയാരുടെ പേരില്‍ തഹ്‌ലീലും അനുസ്മരണ സമ്മേളനവും ഇന്ന് ഉച്ചയ്ക്കുശേഷം 2.30ന് കോഴിക്കോട് സമസ്ത ഓഡിറ്റോറിയത്തില്‍ നടക്കും. പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ അധ്യക്ഷനാകും. സമസ്തയുടെയും പോഷക സംഘടനകളുടെയും നേതാക്കള്‍ പ്രസംഗിക്കും. സമസ്തയുടെയും കീഴ്ഘടകങ്ങളുടെയും സംസ്ഥാന സമിതി അംഗങ്ങള്‍, ഖാസിം മുസ്‌ലിയാര്‍ സാരഥ്യം വഹിച്ചിരുന്ന സ്ഥാപനങ്ങളുടെ ഭാരവാഹികള്‍, കുടുംബാംഗങ്ങള്‍ സംബന്ധിക്കും.