കാളികാവ്: വാഫി അലുംനി അസോസിയേഷന്റെയും അടക്കാകുണ്ട് വാഫി കാംപസ് ജീറാന്‍ കമ്മിറ്റിയുടേയും നേതൃത്വത്തില്‍ വാഫി പിജി കാംപസില്‍ നടത്തുന്ന വാഫി, വഫിയ്യ  റമദാന്‍ പ്രഭാഷണം നാളെ സയ്യിദ് സാബിഖലി ശിഹാബ് തങ്ങള്‍ ഉദ്ഘാടനം ചെയ്യും.
വിവിധ ദിവസങ്ങളില്‍ ഉദ്്ഘാടന സെഷനില്‍  സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി കെ ആലിക്കുട്ടി മുസ്‌ലിയാര്‍, മുഷാവറ അംഗം പി കുഞ്ഞാണി മുസ്‌ലിയാര്‍, പാണക്കാട് സയ്യിദ് ഹമീദലി ശിഹാബ് തങ്ങള്‍, പാണക്കാട് സയ്യിദ് മുനവ്വറലി ശിഹാബ് തങ്ങള്‍, കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി നേതൃത്വം നല്‍കും.
അഹ്മദ് വാഫി ഫൈസി കക്കാട്, സെയ്ദ് മുഹമ്മദ് നിസാമി, ഷിയാസലി വാഫി വടക്കാഞ്ചേരി, അല്‍ ഹാഫിള് സഹ്ല്‍ വാഫി കോട്ടയം, സിദ്ദീഖ് വാഫി ആലിന്‍തറ, അബ്ദുല്‍ ഹക്കീം ഫൈസി ആദൃശ്ശേരി തുടങ്ങിയവര്‍  പ്രഭാഷണം നടത്തും. 19, 20 ദിവസങ്ങളില്‍ സ്ത്രീകള്‍ക്കായി നടക്കുന്ന വഫിയ്യ പ്രഭാഷണത്തില്‍ ഫാത്തിമ വഫിയ്യ കണ്ണൂര്‍, ശഹര്‍ബാന്‍ വഫിയ്യ പണ്ടിക്കാട് എന്നിവര്‍ പ്രഭാഷണം നടത്തും.