വള്ളുവമ്പ്രം: ദേശീയ പാതയിലെ മോങ്ങം ടൗണില്‍ കെട്ടിടത്തിന് തീപിടിച്ച് ഇലക്ട്രിക് ഉപകരണങ്ങള്‍ കത്തിനശിച്ചു. കഴിഞ്ഞ ദിവസം രാവിലെ ഒന്‍പതോടെയാണ് സംഭവം. ടൗണിലെ ഗ്ലോബല്‍ ജ്വല്ലറിക്ക് പിറകിലെ ഓഫിസ് മുറികളിലാണ് തീപിടിച്ചത്.
മുറിയിലെ കപ്യൂട്ടറുകള്‍ക്കും ഫര്‍ണിച്ചറുകള്‍ക്കുമാണ് കാര്യമായ കേടുപാടുകള്‍ പറ്റിയത്. വൈദ്യുതി ലൈനിലെ ഷോര്‍ട്ട് സര്‍ക്യൂട്ടാണ് അപകടകാരണം.സംഭവത്തെ തുടര്‍ന്ന് നാട്ടുകാരും ജീവനക്കാരും ചേര്‍ന്ന് വേഗത്തില്‍ രക്ഷാപ്രവര്‍ത്തനം നടത്തിയത് അപകടത്തിന്റെ തീവ്രത കുറച്ചത്. ഇതേ സമയം തന്നെ തൊട്ടടുത്ത കിഡ്‌സ് ഷോപ്പിലും ഷോര്‍ട് സര്‍ക്യൂട്ട് മൂലം ഇലക്ട്രിക് ഉപകരണങ്ങള്‍ കത്തിനശിച്ചിട്ടുണ്ട്. അപകടത്തെ തുടര്‍ന്ന് മലപ്പുറത്ത് നിന്നെത്തിയ രണ്ട് ഫയര്‍ എന്‍ജിനുകള്‍ സ്ഥലത്തെ സ്ഥിതിഗതികള്‍ നിയന്ത്രിച്ചു.