കൊണ്ടോട്ടി: മഴയില്‍ വീട് തകര്‍ന്നുവീണ് ഗൃഹനാഥന് പരുക്ക്. ചെറുകാവ് പഞ്ചായത്തില്‍ പൂച്ചാലില്‍ തൊട്ടിയന്‍ കോയക്കുട്ടിയുടെ വീടാണ് മഴയില്‍ തകര്‍ന്നുവീണത്. ശനിയാഴ്ച പുലര്‍ച്ചെ ആറ് മണിയോടെയാണ് സംഭവം. കോയക്കുട്ടിയും കുടുംബവും വീട്ടിനുളളില്‍ കിടന്നുറങ്ങുകയായിരുന്നു. വീടിന്റെ കഴുക്കോല്‍ ദേഹത്ത് പതിച്ചാണ് കോയക്കുട്ടിക്ക് നിസാര പരുക്കേറ്റത്.
ഓടിട്ട വീടിന്റെ മേല്‍ക്കൂര പൂര്‍ണമായും നിലംപൊത്തി.
അപകടകത്തില്‍ വീട് ഭാഗികമായി തകര്‍ന്നിട്ടുണ്ട്. പഞ്ചായത്ത് അംഗം ബഷൂര്‍ പൂച്ചാല്‍, വില്ലേജ് അസിസ്റ്റന്‍ഡ് എന്നിവര്‍ സ്ഥലത്തെത്തി.