നടുവണ്ണൂര്‍: ഉള്ള്യേരി ദാറുന്നജാത്ത് അറബിക് കോളജില്‍ സ്‌നേഹപൂര്‍വം സുപ്രഭാതം പദ്ധതിക്ക് തുടക്കമായി. സ്‌പോണ്‍സര്‍ ഉള്ള്യേരി റംസാന്‍ ട്രാവല്‍സ് മാനേജര്‍ ഇമ്പിച്ചി മമ്മു ഹാജി വെള്ളിയൂര്‍ കോളജ് ലീഡര്‍ കെ.സി സാബിത്തിന് പത്രം കൈമാറി ഉദ്ഘാടനം ചെയ്തു. ചടങ്ങില്‍ കോളജ് പ്രസിഡന്റ് അസീസ് മാസ്റ്റര്‍ അധ്യക്ഷനായി.
കാപ്പാട് ഖാസി ശിഹാബുദ്ദീന്‍ ഫൈസി മുഖ്യാഥിതിയായിരുന്നു. സുപ്രഭാതം ലേഖകന്‍ കെ.ടി.കെ റഷീദ് പദ്ധതി വിശദീകരിച്ചു. അന്‍വര്‍ സ്വാദിഖ് വാഫി, അസീസ്, മുസ്തഫ ഹൈതമി, അബൂബക്കര്‍ ഹാജി, അബ്ദുറഹ്മാന്‍ മുസ്‌ലിയാര്‍, മുസ്തഫ മുസ്‌ലിയാര്‍, മേഖലാ കോഡിനേറ്റര്‍ അബ്ദുല്‍ അസീസ് നടുവണ്ണൂര്‍ സംസാരിച്ചു.