കണ്ണൂര്‍: ഫാസിസത്തിന് മാപ്പില്ല നീതി നിഷേധം നടപ്പില്ല എന്ന പ്രമേയവുമായി നാളെ കരിപ്പൂര്‍ വിമാനത്താവളത്തിലേക്ക് എസ്.കെ.എസ്.എസ്.എഫ് സംസ്ഥാന കമ്മിറ്റി നടത്തുന്ന മാര്‍ച്ച് വന്‍വിജയമാക്കാന്‍ എസ്.കെ.എസ്.എസ്.എഫ് ജില്ലാ സമരസംഗമം മുഴുവന്‍ പ്രവര്‍ത്തകരോടും ആഹ്വാനം ചെയ്തു. ബഷീര്‍ അസ്അദി അധ്യക്ഷനായി. അബ്ദുലത്തീഫ് പന്നിയൂര്‍ പ്രമേയ പ്രഭാഷണം നടത്തി. ഷഹീര്‍ പാപ്പിനിശ്ശേരി, ഹാരിസ് അസ്അദി വളക്കൈ, ഷുക്കൂര്‍ ഫൈസി, ഇഖ്ബാല്‍ മുട്ടില്‍, ഷൗക്കത്തലി ഉമ്മന്‍ചിറ, മഅ്‌റൂഫ് മട്ടന്നൂര്‍ സംസാരിച്ചു.